cymorth pellach i deithio gyda thrafnidiaeth gyhoeddus teithio mewn car teithio ar feic neu ar droed teithio tu allan i Gymru rhybuddion teithio cyfrifydd carbon teithio gydag anabledd teithio mewn tacsi

cartref > gwybodaeth > fioedd

Ffïoedd

Gwerthir tocynnau ar bob gwasanaeth bws lleol a phellter maith yng Nghymru gan y gyrrwr bws. Yr unig eithriad yw gwasanaethau’r National Express, lle awgrymir archebu lle o flaen llaw, un ai trwy asiant National Express neu drwy wefan y cwmni, gan fod pob sêt ar gael i’w cadw.

Bydd gyrrwyr fel rheol yn gwerthu tocynnau sengl neu docynnau ‘dychwelyd’ diwrnod oedolion neu blant. Mae llawer o yrrwyr hefyd yn gwerthu tocynnau ‘diwrnod allan’ eu cwmnïau eu hunain i’w defnyddio ar eu rhwydwaith o wasanaethau. Mewn rhai ardaloedd mae tocynnau ‘diwrnod allan’ ar gael ar holl wasanaethau’r gweithredwyr. Mae mwyafrif y gweithredwyr hefyd yn dyrannu tocynnau tymor ar gyfer teithwyr rheolaidd. Yn aml, nid yw’r rhain ar gael gan yrrwyr ac mae’n rhaid eu prynu mewn swyddfeydd tocynnau cwmnïau bysiau.

Pan yn prynu eich tocyn gan y gyrrwr, mae mwyafrif y cwmnïau bysiau yng Nghymru yn rhoi newid ar y bws (ond yn ceisio osgoi delio â phapurau pres uchel eu gwerth!). Ceir dau eithriad yn Ne Cymru, sef Cardiff Bus a Newport Transport. Mae’r ddau gwmni yma’n gweithio i bolisi ‘arian cywir’ er mwyn cyflymu’r broses o allu fynd ar fysiau. Os nad oes gennych yr arian cywir, byddwch yn derbyn ‘taleb newid’, a bydd angen i chi fynd ag ef i swyddfa docynnau i gael eich harian yn ôl.

Os ydych yn teithio i mewn i Gymru ar drên, yn aml gellwch gyrraedd pen eich taith ar fws trwy ofyn i’r cwmni trenau am docyn PLUSBUS ‘ychwanegol’ i’r ardal yr ydych yn teithio iddi pan fyddwch yn prynu eich tocyn trên. Bydd hyn yn eich galluogi i deithio ar wasanaeth bws lleol i ben eich taith, yn aml am bris gostyngol. Am wybodaeth bellach, gweler gwefan PLUSBUS.

Mae yna rai teithiau ar y rhwydwaith trenau lle gallwch brynu tocyn penodol i dref nad yw bellach ar y rhwydwaith trenau, ond yn cael ei gwasanaethu gan fws cysylltiol o orsaf drên lleol. Cliciwch yma am wybodaeth bellach os gwelwch yn dda.

Ceir gwybodaeth bellach am brisiau cwmnïau bysiau fel rheol ar eu gwefannau penodol, ceir y manylion isod.

Bws
Arriva Cymru
Bws Caerdydd
Bysiau First Cymru -  Fares 2010 - Prynwch docyn 3 mis, 6 mis neu docyn blwyddyn ar-lein
GHA Coaches
Megabus
National Express
Newport Transport
Brodyr Richards
Sargeants Bros
Stagecoach yn Ne Cymru - * Special Ticket Offer *